Kull nhar ta’ Hadd fil-5 ta’ filghaxija fuq Net Television

JAMES TOSELAND intervistat fi SPORT EXTRA

Ghal darb’ ohra l-esklussiva tibqa’ element principali fi SPORT EXTRA fejn wara li fl-ewwel programm gie intervistat Matteo Marzotto, fil-programm ta’ llum ser tixxandar intervista li saret ftit tal-granet ilu mas-sewwieq tal-MotoGP JAMES TOSELAND . Huwa wkoll ex rebbieh ta zewg Kampjonati tad-Dinja tas-superbikes.

Matul il-programm ser jinghataw dettalji dwar it-30 Edizzjoni tar-Rolex Middle Sea Race kif wkoll dwar il-Kampjonati tad-Dinja tal-Judo Kata li qed isiru Malta fejn mistieden fil-programm ser ikun ENVIC GALEA, Chairman tal-Kumitat Organizattiv ta’ dawn il-Kampjonati.

Fil-granet li gejjin il-Malta Handball Association ser torganizza Tournament Internazzjonali bit-team Nazzjonali Malti jkun fl-azzjoni. Dettalji dwar dan ser jinghataw mill-coach Nazzjonali MILOS STANISLJEVIC .

Mistiedna ohra fil-programm ser ikunu CHARMAINE GERADA , President tal-Klabb tar-Regatta tal-Isla u VICTOR GATT, Texorier tal-istess klabb illi matul l-2009 rebhu l-unuri principali ta’ dan l-isport.

Ma dan kollu ma jonqsux il-filmati esklussivi ta’ avvenimenti internazzjonali li jkunu ser isehhu fil-futur immedjat kif wkoll filmati mill-passat marbuta mat-temi diskussi fil-programm.

SPORT EXTRA ghandu produzzjoni u prezentazzjoni ta’ Charles Camenzuli, Direzzjoni ta’ Censu Arrigo u grafika ta’ Simon Borda u muntagg tas-servizzi minn Maria Grech u Stephen Chircop.

Mal-programm hemm wkoll marbuta kompetizzjoni fejn wiehed jista jiehu sehem anke billi jidhol fil-facebook tal-programm : www.facebook.com u jfittex SPORT EXTRA